Qayıdacaqsan  

Bu yolun sonunu görürəm hələ 

Mənzilə yetməmiş qayıdacaqsan 

İnanki hacansa dönüb geriyə 

Sən mənim yanıma qayıdacaqsan 

Gedrisən get saxlamağa gücüm yox

Əl açmaram məhəbbətə gözüm tox

Dönəcəksən sən əzizim demə yox!

Sən mənim yanıma qayıdacaqsan 

Düşərəm yadına günün birində 

Yaşaran gözlərim durar önündə 

Ölən xatirələr dirildiyində 

Sən mənim yanıma qayıdacaqsan 

Bilirəm sevirsən nə umuramki 

Sevib ayrılırsan saxlamıramki 

Çünki varlığıma inanıramki 

Sən mənim yanıma qayıdacaqsan 

Düşər gözlərindən doğmalarında

Bir şey itirərsən məhəbbət adda 

İtirən keçmişi axtardığında 

Sən mənim yanıma qayıdacaqsan 

Səndən başqasını sevərəmmi ki

Yadlarla sevgimi bölərəmmi ki 

Dönməsəndə elə biləcəyəm ki

Sən mənim yanıma qayıdacaqsan 

Hələ görməyirsən gördüklərini 

Vaxtsız soldurursan dərdiklərini 

İtirəndə bütün sevdiklərini 

Sən mənim yanıma qayıdacaqsan 

Sorma ki nəçiyəm, demə kiməm mən 

Hələki özümə özümdə sirrəm  

Görəndəki səni belə sevirəm 

Sən mənim yanıma qayıdacaqsan

                                                                                CAHAN