Sevəcəyəm mən

Demirəm yolumuz qoşalaşacaq

Bəlkədə ömrünə bir qonağam mən

Ancaq yaddaşında bu söz qalacaq

Səni ömrüm boyu sevəcəyəm mən

O yollar bizimçun darıxdı bəlkə

Izimiz iz salıb yollara necə

Hərdən darıxanda dolanıb təkcə

Təkrar o yolları gəzəcəyəm mən

Qoymaram xatirən uçub dağıla

Inanma olanlar dönsün nağıla

Qoymaram hər anın yadımdan çıxa

Hər anın üstündə əsəcəyəm mən

Xəyal mənə ümüd verməyəcək ki

Ötənlər geriyə dönməyəcək ki

Gözüm başqasını görməyəcək ki

Onda gözlərimdən küsəcəyəm mən

Nə üçün çıxırdın axı yoluma

Niyə hakim oldun xəyallarıma

Haçansa verdiyin əzablarına

Cevrilib yolunu kəsəcəyəm mən

Demirəm yolumuz qoşalaşacaq

Bəlkədə ömrünə bir qonağam mən

Ancaq yaddaşında bu söz qalacaq

Səni ömrüm boyu sevəcəyəm mən

                                                                             CAHAN