Toxunma

Gör necə göynədir bu həsrət məni

Ağırdır çəkənə intizar qəmi

Kədərli anımda yaz seli kimi 

Gözümdə çağlayan selə toxunma

İlahi! necə dərd necə qəmdir bu

Dərd deyil ömrümə bir həmdəndir bu 

İçimi sızladan hansı simdir bu

Qəlbimdə titrəyən telə toxunma

Gizli hissim kimi lal olub dilim 

Qəmim ağır olub bükülüb belim

Sənə yox həsrətə körpüdü əlim 

Qəhərdən tutulan dilə toxunma

Sənsizlik kor edib görən gözümü

Tanıya bilmirəm özüm özümü

Ayrılıq öyrətdi mənə dözümü

Həzin layla çalan yelə toxunma

Məskənin ürəyim sakini sənsən

Bu mənim sirrimdir səndə biləsən 

Sənki ürəyini mənə vermisən 

Onun sığındığı yerə toxunma

Gün aya dönəcək ay il olacaq

Illər bu sirrimi çox qoruyacaq

Puç etdin hər şeyi deyirəm ancaq 

Tək mənim olacaq sirrə toxunma

                                                                           CAHAN