Əlvida

Qoşa yollarımız bura qədərmiş

Susmuş dodaqımda donub son vida

Sənə qal deməyim demə hədərmiş

Gedirsən get, nə deyirəm ƏLVIDA

Illər xəyal edər bu həqiqəti

Sənə unutdurar dərdi möhnəti

Ömürlük pay verib mənə həsrəti

Gedirsən get, nə deyirəm ƏLVIDA

Bu imiş eşqinin axır qərarı

Qırıldı sevgimin o şax vüqarı

Ömrümə qış edib yazı baharı

Gedirsən get, nə deyirəm ƏLVIDA

Həyat üzərimə acı selləmiş 

Həsrətin asanı demə dilləmiş 

Vüsal ürəyimi sevindirməmiş

Gedirsən get, nə deyirəm ƏLVIDA

Son vida qar olub dondu telimdə

"Əlvida” söylədim döndü dilimdə

Əksini qoyaraq bəbəklərimdə

Gedirsen get, nə deyirəm ƏLVIDA

Sən ey ürəyimin ilkin nübarı

Bizki qəlbimizi bölmüşük yarı

Götürüb qəlbimi yarıba-yarı  

Gedirsən get, nə deyirəm ƏLVIDA

Niyə "qal” deməyim niyə "qal” deyim

Alcalan eşqimə necə əyilim

"ƏLVIDA” deməyə gəlməyir dilim

Gedirsən get, nə deyirəm ƏLVIDA

                                                                            CAHAN