Öyrədəcəm özümü

Qorxuramki ayrılacaq bu yollar  

Ayıracaq izlərindən izimi 

Tək qalacam bir mən birdə divarlar

Sənsizliyə öyrədəcəm özümü

Ayrılıq bu qədər də sadəydimi

Gör mənə taleyim boyun əydimi

Əllərimə yad əlləri dəydimi

Əlsizliyə öyrədəcəm özümü

Demərəm sevirəm daha heç kəsə 

Qoymaram xatirən sözümdən küsə 

Dilim məcbur olub sevirəm desə 

Dilsizliyə öyrədəcəm özümü

Bənövşələr məcbur boynun əyməmiş

Gecələrdə məcbur qara geyməmiş  

Tellərimə yad nəfəsi dəyməmiş

Telsizliyə öyrədəcəm özümü  

Düşünməki ayrılarsa bu yollar

Qəlbimdəki yuvan uçub daqılar

Yalansa da qurub sənli xəyallar

Sənsizliyə öyrədəcəm özümü

                                                                                CAHAN