YOX

  Ürəyimin kədər adlı yükü var 

  Qoşalaşıb bir azını çəkən yox

  Qismətimə qəm gen oldu, sevinc dar

  Qəm yolunu mənlə bircə kecən yox

  Çox görmüşəm can-can deyən doğmanı

  Su qoymayıb quru verib loxmanı

  Yığılsa bir elin alim loğmanı

  Həqiqi yaxşını pisdən seçən yox

  Hər bir həddin müəyyən bir səddi var 

  Yalan haray çəkər, doğru olar kar 

  Həqiqət qışqırsa qıraqda qalar

  Düz üçün bir anlıq üzdən keçən yox

                                                                           CAHAN